ტრენინგის მე-6 დღეც დასრულდა. აქტიური და ნაყოფიერი იყო დღევანდელი დღეც. უფრო მეტად დავუახლოვდი და გავიგე რამდენად მნიშვნელოვანია მოსწავლის ნაშრომები პროექტის წარმატებით განხორციელებისათვის.

 საინტერესოდ მიმდინარეობდა ტრენინგის მე-5 დღე, გავეცანით საავტორო უფლებებს. ვისაუბრეთ უკუკავშირებზე. გავეცანით დაწყვილების მაგალითებს .განვახორციელეთ უკუკავშირის სიმულაციები წყვილებში.უკუკავშირის მიცემით უკეთესად დავინახეთ რამდენად სწორად უნდა ჩამოვაყალიბო კითხვები პროექტის მიმართ.

დღე იყო საინტერესო და დატვირთული.გავაკეთეთ შეფასების გეგმა.ვიმსჯელეთ და გავეცანით შეფასების სტრატეგიებს და მეთოდებს,ინსტრუმენტებს.
 შეფასებას დიდი მნიშვნელობა აქვს მუშაობის პროცესში როგორც მოსწავლისათვის ასევე მასწავლებლისთვის რათა სასწავლო პროცესი იყოს წარმატებული და პროგრესირებადი.
კოლეგები აქტიურად ვიღებდით მონაწილეობას  პროექტების დაგეგმვაში და მაქსიმალურა ვეხმარებოდით ერთმანეთის შეფასების ინსტრუმენტების შერჩევაში.

დავიწყეთ პროექტებით სწავლება.  ვეთანხმები პროექტებით სწავლების დიდი მნიშვნელობას. ის ხელს უწყობს  მაღალი სააზროვნო დონეების განსავითარებას. იზრდება მოსწავლის მოტივაცია და დამოუკიდებლობა. უკვე გავიაზრე  რა თანმიმდევრობით უნდა შევუდგე მუშაობას. ავირჩიე თემა, შევიმუშავე მოკლე შინაარსი. გადავხედე ესგ-სტანდარტებს და 21-ე საუკუნის უნარებს. ავირჩიე ის პუნქტები რაზედაც უნდა გავიდეს ჩემი პროექტი. გავამზადე პუბლიკაცია, უკეთ დავსახე პროექტის სცენარი მიზნები და 21-ე საუკუნის უნარები. . ვიმსჯელეთ მიმართულების მიმცემ საკვანძო კითხვებზე. პედაგოგები ძალიან ვეხმარებოდით ერთმანეთს.. დავიწყე გეგმის დაწერა და პროექტის პრეზენტაციაც დავიწყე, პროცესი ჩემი აზრით  უკვე საინტერესოდ მიდის.